PRIMU AMORE

Quandu per u mumentu
Si ferma la parolla.
Cappiata à lu luntanu
È zitta da lu ventu.
L' amore cum' una fola
Mi sopravola pianu....

À tene la to manu
Accolta à ogni passi.
Esse daretu à sta finestra
Ind' un bughju stranu...
U mondu vene à fassi
À u fattu chì si presta...

Dolce cumpurtamentu
Chì à l' amore cuspira,
Ind' un lettu di piume
À lu nostru accuppiamente,
In le nostre carezze suspira
À gode ..à lu nostru lume...

Pianu venenu e stonde
D' un silenziu ch' ùn parla,
È lu sognu di e mente
À lu nostru si cunfonde
À un ballu d' una farfalla
Chì d' amore stemu à sente...

In core in lu ramentu
Scordu ch' ellu ùn ci fussi,
À un amore senza timore
À l'orlu di la giuventù,
À un' ora ghjunta cusi
Scrivu quì...à lu mo primu amore.

GHJANPA

fiura : Boriscourdesse.free.fr